Agar aap ek computer ya laptop user hai to aise me aapko kabhi na kabhi Computer screen record karne ki jarurat pari hogi.
Bahut sare aise computer user hai jo screen record kar video banana chahte hai par unhe yeh pata nahi hota ki computer ka screen kaise record kare.
Aaj ke is post me hum aapko batayenge ki computer screen kaise record karte hai aur video banate hai.
Vaise to computer/laptop screen record karne ke liye bahut sare software maujud hai lekin usme jyda tar premium hai yani ki uska istemal karne ke liye paise dene hote hai. Yaha par mai aaj aapko batane wala ek aise software se jo bilkul free hai. Yaha par hum aapko step by step batayenge ki computer ka screen record kaise sakte hai vo bhi free me.
Computer Screen Record कैसे करें
Step 1: Software Download and Install Kare
1.1 Download software
1.2 Install software
1.3 Open Software and record
Sabse pahle aapko software ko download karna hai. Download karne ke liye yaha click kare. Ab setup file computer me download ho jaane ke baad usse install kare. Setup complete ho jane ke baad software ko open kare.
Step 2. Screen Size Set Kare
Ab software open hone ke baad screen size ka option dikhega yaha par aapko scree size select karna hai ki aap computer screen ke kitne portion ko record karna chahte hai. Aap custom size type kar sakte hai ya fir border ko select kar resize kar sakte hai sath hi chahe to full size bhi chun sakte hai. Agar full screen record karna chahte hai to option me full screen option ko chune.
Step 3. Settings Samjhe.
Ab aapko settings option me jana hai aur kuch shortcut keys diye rehte hai unhe dekh kar yaad rakhana hai ya fir likh lena hai kyunki agar aap full size me screen record karte hai to aise me recording stop karne me aapko dikkat aa sakti hai kyunki jab aap full screen size me record karte hai to stop option hide ho jata hai.
Yha se aap directory bhi badal sakte hai agar aap apne kisi folder me record video save karana chahte hai to aap uska path yaha se set kar sakte hai
1. Setting option par click kare.
2. Keyboard shortcut keys ko samajh le ya fir likh le.
3. Video kis folder me save karna hai vo set kar le.
4. Settings save karne ke liye OK button par click kare.
Step 4: Record Kare.
Ab aapko record button par click karna hai jaise hi aap is par click karenge to aapke computer screen record hone lagegi.
Ab aapke computer me screen record hone lagegi. Recording ko stop ya pause karne ke liye aap keyboard shortcuts ka istemal kare. Agar aapka koi swal ya sujhaw ho to comment kare.
